KRISHNA KE BADE BHAIYA SANT BALRAMDAS

KRISHNA KE BADE BHAIYA SANT BALRAMDAS
www.sweetradharani.com

Vraj me ek sant hue hain Balramdasji. Bachpan me unke mitra unhen krishna ka bada bhai batate the. Yah baat unke sukshma hridaya me baith gayi ke ve Krishna ke bade bhai hain. Aur dheere-dheere ve apne ko krishna ka bada bhai samajhne lage.
Ve Vraj sabhi jagah jaate par Barsana kabhi nahin jaate the, poochhne par batate ki vah chhote bhai ka sasural hai aur vahan bade bhai ka jana uchit nahin hai.
Unke mitra unse chalne ka khoob agrah karte par ve spashta mana kar dete.

Ek din unke priya mitra kahin baahar se unse milne aaye aur unse Nandgaon aur Barsana chalne ka agrah kiya. Balramdasji ka vahi purana jawab ki chhote bhai ki sasural hai, agar mai vahan gaya to chhote bhai ki patni ko ghunghat karna padega, use asuvidha hogi, isliye mai nahin chal paunga, mujhe kshama karen. Kintu umke mitra ne bhi jid pakad li ki tumhe chalna hi padega, jyada ho to tum Barsana me upar mandir me mat jana, niche gadi me hi baithe rahna, ham darshan karke aajayenge.

Mitra ki jid ke aage aakhir Balramdasji ko jhukna pada aur is shart par ki ve upar darshan ke liye nahin jayenge, jane ko taiyar ho gaye. Aap sab to jante hi hain ki Barsana me Ladliji ka mandir unchai par hai. Jis pahad par Ladliji virajman hain vah Brahmaji hain jo pahad bankar Radharani ki sewa kar rahe hain.

Balramdasji Barsana me niche gadi me hi baithe rahe aur unke mitra darshan karne upar mandir me chale gaye. Kuchh samay uprant jab unke mitra mandir se neeche utar kar neeche gadi ke paas pahunche to dekha ki Balramdasji gadi ki agli seat par baithkar hath me ek plate lekar usme se kuchh kha rahe hain aur ek kinare lamba ghoonghat nikale ek kishoree apne hathon me pani ka lota lekar khadi hain. Mitron ne jab Balramdasji se poochha ki aap to kah rahe the ki mai kabhi bhi Barsana nahin gaya hoon, fir yah aaap ki parichit kahan se aagayi jisne aap ke liye alpahar ki vyavastha bhi kee?

Balramdasji muskurate hue kahne lage ki maine pahle hi kaha tha ki mujhe mat lekar chalo, chhote bhai ki sasural hai, ab jab yahan aahi gaya to chhote bhai ki patni bina kuchh khaye kaise jane deti. Bechari ko kitna shram karna pada, upar se niche aana pada mere liye.

Unke mitron ne Balramdasji se kaha ki jab ve mandir me darshan ke liye pahunche to unhe wahan garbhgrah me kewal Laalji ke darshan hue, Laadliji wahan virajman nahin thin. Ab pata chala ki Ladliji to aap ke swagat ke liye neeche aagayin thi.

Is das ko Balramdasji ki tasveer ke darshan ka saubhagya mathura me prapta hua. Jai ho Krishna ke bade bhaiya Balramdasji ki. JAI RADHE…!!!

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: